मोरङ । कोशी प्रदेशमा बुधबार १० वटा सवारी दुर्घटना भएका छन् । जसमा १ जनाको ज्यान गएको छ भने १६ जना घाइते भएका छन् । सुनसरी, उदयपुर, झापा र मोरङ जिल्लामा १० वटा दुर्घटना भएका हुन् ।
गएराति ११ बजेतिर मोरङको विराटनगर महानगरपालिका वडा नम्बर ३ निशान सोरुम अगाडी कोशी राजमार्गमा २ वटा मोटरसाइकल ठक्कर खाँदा एकजनाको मृत्यु भएको छ । दक्षिणबाट उत्तरतर्फ आउँदै गरेको प्र १ ०२ ०५२ प ३७८५ नम्बरको मोटरसाइकल र पूर्वबाट पश्चिमतर्फ बाटो क्रश गर्दै गरेको को १८ प ११५१ नम्बरको मोटरसाइकल ठक्कर खाइ दुर्घटना हुँदा ३७८५ नम्बरको मोटरसाइकल चालक मोरङको बूढिगंगा गाउँपालिका ६ बस्ने अन्दाजी ३० ३५ वर्षीय नवीन चौधरीको मृत्यु भएको हो ।
दुर्घटनामा टाउकोमा गंभीर चोट लागेर घाइते भएका चौधरीको बिराटनर्सिह होम अस्पताल पुर्याउन साथ मृत्यु भएको हो । दुवै सवारी साधन जिल्ला प्रहरी कार्यालय मोरङको नियन्त्रणमा रहेको तथा ११५१ नम्बरको मोटरसाइकल चालक फरार रहेकाले खोजी कार्य जारी रहेको प्रहरीले जानकारी दिएको छ ।
मंसिर २० गते बुधबार कोशी प्रदेशमा भएका सवारी दुर्घटनाको विस्तृत विवरण यसप्रकार छ ।
