कञ्चनपुर बजारको बिचमा रहेको सुनचाँदी पसल चोरी

कञ्चनरूप । सप्तरी जिल्लाको कञ्चनरूप नगरपालिका वडा नं. ८ रहेको कञ्चनपुर बजारमा रहेको सुन पसलमा  चोरी भएको छ ।
कञ्चनपुर बजारको बिचमा पर्ने स्थानमा विगत एक दशक भन्दा अधि देखी सञ्चालनमा रहेको न्यु महालक्ष्मी ज्वेलर्समा बुधबार राति करिब ३ बजेको समयमा ४२ लाख रुपैयाँ बराबरको चोरी भएको छ ।
स्थानीय कञ्चनरूप नगरपालिका वडा नं. ८ कै स्थायी वासी मुकेश साहले सञ्चालन गरेको ज्वेलर्सको पूर्व पट्टिबाट मुख माक्स लगाएका चार जना व्यक्तिहरूको समूहले दक्षिण पछिको दोस्रो सटरको लाल्चा फुटाएर फुटाएर उचाले र भित्र प्रवेश गरेको लुटपाट र चोरी सञ्चालक साहले बजाएका छन । 
साहका अनुसार ६\७ तोला सुनका गहना, करिब २१ किलो चाँदीका गहना, र पसल भित्र रहेको नगद ४० हजार रुपैयाँ चोरी गरेको सहचालक साहले बताएका छन ।
घटना स्थलको सिसिटिभी फुटेज अनुसन्धानका लागि इलाका प्रहरी कार्यालय कञ्चनपुरले लगेको रे अनुसन्धान जारी राखेको जनाएको छ । सुनचाँदी पसल चोरी भएको घटनाले कञ्चनपुर र आसपासका व्यापारीहरू त्रसित बनेका छन ।