विराटनगर । नेकपा एमाले कोशी प्रदेशको अध्यक्षमा मोरङको लेटाङका घनश्याम खतिवडा विजयी हुनु भएको छ । आज राति अबेर सम्पन्न मतगणनाको परिणाम अनुशार खतिवडा ८२ मतान्तरले अध्यक्षमा विजयी हुनु भएको हो ।
खतिवडाले ५१२ मत ल्याइ विजयी हुँदा उहाँका प्रतिस्पर्धि विनोद प्रसाद ढकालले ४३० मत ल्याउनुभयो । यस्तै २६ मत भने बदर भएको छ ।
खतिवडा मोरङ १ बाट निर्वाचित पूर्व सांसद् तथा नेकपा एमाले कोशी प्रदेश सचिवालय सदस्य हुनुहन्थ्यो भने ढकाल केन्द्रीय कमिटी सदस्य हुनुहुन्थ्यो ।
यसैगरि सचिवमा पाँचथरका राजकुमार भण्डारी विजयी हुनु भएको छ । उहाँले ५२४ मत ल्याउँदा उहाँका प्रतिस्पर्धि उदयपुरका शैलेश लामाले ३८१ मत प्राप्त गर्नुभयो ।
यसैगरि २ जना उपसचिवमा खोटाङका देवान राई र झापाकी जलवर्षा राजवंशी निर्वाचित हुनु भएको छ । मोरङका खेमराज नेपाली भने पराजित हुनुभयो । राईले ६१०, राजवंशीले ६२८ र नेपालीले ३९७ मत प्राप्त गर्नु भएको छ । पदाधिकारीमा निर्वाचितहरु सबै खतिवडा पक्षकै रहेका छन् ।
यसैगरि समावेशी क्षेत्र (अपांग) १ जनामा ६४६ मतका साथ सीता पौडेल, मुस्लिम खुल्ला २ जनामा ४३६ मतका साथ आविद हुसेन मियाँ र ५५४ मतका साथ नजिमा खातुन विजयी हुनुभयो । यस्तै आदिवासी खुल्ला २ जनामा ७०८ मतका साथ आनन्द कुमार लिम्बू र ४९९ मतका साथ पदमबहादुर राई विजयी हुँदा आदिवासी महिला १ जनामा ५४६ मतका साथ मौसम राई विजयी हुनुभयो ।
यस्तै जनजाति खुला सदस्य २ जनामा ३७७ मतका साथे जेवी थुलुङ र रुपादेवी कन्दङ्वा २९९ मतका साथ विजयी हुनुभयो । जनजाति महिला १ जनामा ५२९ मतका साथ मधु गुरुङ, मजदुर ३ जनामा ५२२ मतका साथ अम्बिर कुमार लिंदेन, ४४६ मतका साथ किशोर धमला र ६१४ मतका साथ भीमज्वाला राई विजयी हुनुभयो । मजदुर महिला २ जनामा ५३३ मतका साथ डोमा राई र ५६८ मतका साथ निर्मला परियार विजयी हुनुभयो ।
हल खुल्ला सदस्य ४ जनामा ४४० मतका साथ सत्यनारायण चौधरी, ४७१ मतका साथ लालप्रसाद साँवा एल. पी., ३९७ मतका साथ लक्ष्मण तिवारी र ३९९ मतका साथ कविता राई विजयी हुनुभयो । यस्तै लेखा समिति उपाध्यक्षमा ४१८ मतका साथ मदन बसेल विजयी हुनुभयो । अन्य सदस्यहरुको भने मतगणना हुँदैछ ।
यता उपाध्यक्षमा भने धनुकटाका टीकाराम चेम्जोङ निर्विरोध निर्वाचित हुनु भएको छ । यस्तै प्रदेश कमिटी सदस्य पदमा केही जिल्लामा निर्विरोध निर्वाचित भएका छन् ।
निर्वाचनमा जम्मा ९ सय ७७ जना प्रतिनिधिले मतदान गरेका थिए । कुल ९ सय ९७ प्रतिनिधिमध्ये २० जना अनुपस्थित भएका थिए । गएराति १० बजेदेखि सुरु भएको मतदान विहान ५ बजजेतिर मात्र सकिएको थियो भने आज साँझदेखि मतगणना सुरु भएको थियो ।
