राजविराज । सप्तरी प्रहरीले शुक्रबार राति ७ सय २६ किलो गाँजासहित एउटा स्कारपियो नियन्त्रणमा लिएको छ ।
जिल्ला प्रहरी कार्यालय सप्तरीद्वारा शनिबार पत्रकार सम्मेलन मार्फत बरामद भएको ७ सय २६ किलो गाँजा सार्वजनिक गर्दै जनाएको छ ।
प्रहरीका अनुसार बोदेवरसाइन नगरपालिका र वलान विहुल गाउँपालिकाको सिमानामा रहेको विहुल नदीको पुल नजिकबाट उक्त गाँजा र गाडी नियन्त्रणमा लिइएको जनाएको छ ।
सप्तरी प्रहरीले प्र १–०२–००२–च ५८३४ नम्बर र अर्को नम्बर नखुलेको स्कारपियो प्रहरीले चेकजाँचका लागि रोकेको अवस्थामा नम्बर नखुलेको स्कारपियो फरार भएको र प्र .१–०२–००२ च ५८३४ न. को स्कारपियो नियन्त्रणमा लिइएको प्रहरीले जनाएको छ ।
सप्तरी प्रहरीका डीएसपी जितेन्द्रकुमार बस्नेत अनुसार स्कारपियोका चालक पनि गाडी र गाँजा छोडेर फरार भएको ले जानकारी दिए । डीएसपी बस्नेतले गाडीमा ३० ओटा प्लाष्टिकको बोरामा प्याक गरिएको ७ सय २६ किलो गाँजा बरामद भएको बताए ।
