मोरङ । लेटाङ नगरपालिकाको आयोजनामा आजदेखि दोश्रो मेयर कप फुटवल प्रतियोगिता सुरु भएको छ । आज लेटाङ ३ कमलपुरस्थित खेल मैदानमा भएको उद्घाटन खेलमा वडा नम्बर ६ ले सानदार जित हात परेको छ । एकतर्फि जस्तो देखिएको खेलमा वडा नम्बर ७ लाई १ का विरुद्ध ७ गोलले पराजित गर्दै वडा नम्बर ६ ले सेमीफाइनलमा स्थान पक्का गरेको छ । वडा नम्बर ६ ले अब सेमिफाइनलमा वडा नम्बर २ र ८ बीचको खेलको विजेतासँग फाइनल प्रवेशका लागि प्रतिस्पर्धा गर्नेछ । आजको खेलमा म्यान अफ दी म्याच वडा नम्बर ६ का समीप मगर घोषित भए ।
लेटाङ नगरपालिकाका प्रमुख भुपेन्द्रकुमार लवती र उपप्रमुख कृष्णकुमारी निरौलाले प्रतियोगिताको उद्घाटन गर्नुभयो । सो अवसरमा प्रमुख प्रशासिकय अधिकृत नारायण प्रसाद न्यौपाने, विभिन्न वडाका वडाध्यक्षहरु, कार्यपालिका सदस्यहरु, वडासदस्यहरु, विभिन्न रजनैतिक दलका प्रतिनिधीहरु लगायतको उपस्थिति रहेको थियो । 
प्रतियोगितामा उपाधि विजेता टीमले नगद १ लाख ३५ हजार र उपविजेता टीमले ६५ हजार पुरस्कारसहित ट्रफि पाउने छन् । यस्तै प्रत्येक खेलमा म्यान अफ दी म्याच तथा प्रतियोगिताको अन्तिममा बेष्ट गोलकिपर, बेष्ट डिफेन्डर, बेष्ट फरवार्ड, हाइस्कोरर र म्यान अफ दी म्याच घोषणा गरि पुरस्कृत गरिने सदस्यसचिव राईले जानकारी दिनुभयो । प्रतियोगितामा नगरका ९ वटै वडाबीच प्रतिस्पर्धा हुँदैछ । भोलिको खेल वडा नम्बर २ र वडा नम्बर ९ बीच हुनेछ भने फाइनल खेल असार २२ गते हुनेछ । प्रतियोगिताबाट छनौट भएका खेलाडीहरुलाई समेटेर नगर स्तरीय फुटबल टीम तयार गर्ने योजना रहेको नगर खेलकुद विकास समितिका सदस्य सचिव कृष्णराज राईले जानकारी दिनुभयो ।
