कञ्चनरूपमा ९ सय ७८ केजी गाँजासहित एक युवक पक्राउ

कञ्चनरूप । जिल्लाको कञ्चनरूप नगरपालिका–२, बरमझिया क्षेत्रमा प्रहरीको संयुक्त टोलीले ठूलो परिमाणको लागू औषध गाँजा बरामद गरेको छ। बरामदसहित एक जनालाई नियन्त्रणमा लिइएको छ।
प्रहरीका अनुसार मंसिर ०४ गते राति करीब १०स्३० बजे जि.प्र.का. सप्तरीका निमित्त कार्यालय प्रमुख प्र.ना.उ. डम्बर बहादुर पुरी र इ.प्र.का।.कन्चनपुरका प्र.ना.उ. माधव प्रसाद काफ्लेको नेतृत्वमा खटिएको टोलीले गोप्य सूचनाको आधारमा पूर्व–पश्चिम महेन्द्र राजमार्गमा जाँच गरेको हो।
फत्तेपुरबाट भारदहतर्फ जाँदै गरेको ना ५ ख ५३५ नम्बरको ट्रक रोकेर जाँच गर्दा २८ वटा सेतो बोरा भित्र प्लाष्टिकले प्याक गरिएको ९सय ७८ केजी गाँजा फेला परेको प्रहरीले जनाएको छ।
ट्रक चालक सुनसरी, धरान उपमहानगरपालिका–१३ का २५ वर्षीय सञ्जय श्रेष्ठलाई पक्राउ गरी लागू औषध सम्बन्धी कसूरमा सप्तरी जिल्ला अदालतबाट ७ दिनको म्याद थप गरी अनुसन्धान अघि बढाइएको छ।
बरामद गाँजा, ट्रक र चालक सबैलाई नियन्त्रणमा राखी आवश्यक कानुनी प्रक्रिया अघि बढाइरहेको प्रहरीले जानकारी दिएको छ।