कञ्चनरूप । सप्तरीको कञ्चनरूप नगरपालिका १२ मा रहेको लिटिल फ्लावर सेकेन्डरी स्कुलले यस बर्ष एस इइ परीक्षामा सहभागी हुने विद्यार्थीलाई शुभकामना सहित बिदाइ गरेको छ ।
विद्यालयले उपहार सहित टिका माला खादा लगाएर यस वर्ष विद्यालयबाट एस इ।इ परीक्षामा सम्मिलित हुने विद्यार्थीलाई बिदाई गरेको हो । शुभकामना तथा बिदाई कार्यक्रम शिक्षा प्रेमी तथा पूर्व प्रधानाध्यापक शम्भु प्रसाद उपाध्यायले प्रमुख अतिथिको आसनबाट एसईई एउटा महत्वपूर्ण फलामे गेट भएकाले त्यसलाई पार गर्न त्यति सहज नभएकोले सम्पूर्ण विद्यार्थीहरूले अधिक मेहनत र निडरका साथ परीक्षा दिनुपर्ने बताएका छन् ।
प्रधानाध्यापक शान्त अधिकारीको अध्यक्षतामा शुभकामना तथा बिदाई कार्यक्रम सम्पन्न भएको थियो ।
लिटिल फ्लावरबाट गत वर्ष सर्वोकृष्ट अङ्क ल्याउने विद्यार्थी कुन्जना फुँयाल र अरुण यादवलाई विशाल स्मृति शिक्षा पुरस्कार तथा पशुपति शिक्षा पुरस्कार सम्मान गरिएको थियो । भने यस बर्स एस इइ परीक्षामा सहभागी हुने सम्पूर्ण विद्यार्थीका अभिभावकलाई समेत सम्मान गिरिएको थियो ।
यस वर्ष लिटिल फ्लावर स्कुलबाट १६ विद्यार्थी एस इइ परीक्षामा सहभागी हुदैछन ।
