लेटाङ । नेपाली सेनाको पूर्वीपृतना तालिम शिक्षालय लेटाङले आफ्नो १० औं वर्षिकोत्सवको अवसर पारेर लेटाङ १ लोखरास्थित बाल विकास आधारभुत विद्यलायलाई शैक्षिक तथा खेलकुद सामाग्री प्रदान गरेको छ । कार्यक्रमका प्रमुख अतिथि नेपाली सेनाका पूर्वी पृतनापति उपरथी श्री आश बहादुर तामाङले विद्यालयका प्रधानाध्यापक दिननाथ खनाललाई शैक्षिक तथा खेलकुद सामाग्री हस्तान्तरण गर्नुभयो ।
कार्यक्रममा लेटाङ नगरपालिका उपप्रमुख कृष्ण कुमारी निरौला, तालिम शिक्षालयका शिक्षा अधिकृत प्रमुख सेनानी श्री प्रह्लाद थापा, राजारानी पर्यटन विकास समितिका अध्यक्ष सुजन मगर, हडर्न नेपालका सुरेश अधिकारी लगायत तालिम शिक्षालयका सकलदर्जा, विद्यालयका शिक्षक, अभिभावक र विद्यार्थीहरुको उपस्थिति रहेको थियो ।
सो अवसरमा विद्यार्थीहरुले साँस्कृतिक कार्यक्रम समेत प्रस्तुत गरेको शिक्षालयका सहसेनानी सुवास कार्कीले जानकारी दिनुभयो ।
सोही अवसरमा लेटाङ नगरपालिकाको छात्रासँग उपमेयर कार्यक्रम समेत सञ्चालन गरिएको छ । लेटाङ नगरपालिका उपप्रमुख कृष्णकुमारी निरौलाले विभिन्न अत्यावश्यक फोन नम्बरहरु उल्लेख गरिएको डाइरी विद्यार्थीहरुलाई हस्तान्तरण गर्नभयो । उहाँले विद्यालयलाई विभिन्न सामाग्री प्रदान गरेकोमा नेपाली सेनालाई धन्यवाद व्यक्त गर्नुभयो ।
यसैबीच विद्यालय व्यवस्थापन समिति अध्यक्ष तथा लेटाङ नगरपालिका वडा नम्बर १ का वडाध्यक्ष विष्णु मगरले सबैको सहयोगले मात्र शैक्षिक क्षेत्रको विकास हुने भन्दै नेपाली सेनाले सहयोग गरेकोमा धन्यवाद व्यक्त गर्नुभयो । कार्यक्रममा सहभागिता जनाउन नपाए पनि आफुले नेपाली सेनाको सामाजिक कामलाई कहिलै नविर्सने उहाँको भनाइ छ ।
