सप्तकोशी । सवल नेपाल र समावेशी अपाङ्ग संघ, राजविराजको संयुक्त आयोजनामा एक दिवसीय "विपद् जोखिम न्यूनिकरणसम्बन्धी अभिमुखीकरण कार्यक्रम" सप्तरीको सप्तकोशी नगरपालिका–१ मा सम्पन्न भएको छ।
कार्यक्रम विहीबार रक्तमाला नमुना सामुदायिक वन भवनको सभाहलमा आयोजित गरिएको थियो। कार्यक्रममा ‘विपद् भनेको के हो?’, ‘स्थानिय जोखिमहरू के–के हुन्?’, र ‘जोखिम न्यूनिकरणका उपायहरू के–कसरी अपनाउने?’ लगायतका विषयमा जानकारी दिइएको थियो।
सो अवसरमा आयोजक संस्था सवल नेपालका डिआरआर मिल अफिसर झितिज भट्ट र समावेशी अधिकृत ज्ञानेन्द्र झाले सहजीकरण गर्नुभएको थियो।
कार्यक्रममा वडा नं. १ का कार्यवहाक वडाध्यक्षले बोल्दै यस्ता प्रकारका कार्यक्रमले अपाङ्गता भएका व्यक्तिहरूको क्षमता अभिवृद्धिमा महत्वपूर्ण योगदान पुग्ने विश्वास व्यक्त गर्नुभयो।
नगरपालिकाका विपद् फोकल पर्सन, महिला तथा बालबालिका शाखा, सामाजिक सुरक्षा शाखा, लघुउद्यम शाखाका प्रतिनिधिहरूले समेत आ–आफ्नो धारणा राख्दै सहभागीहरूलाई विषयवस्तुमा प्रष्ट पार्नुभयो।
आयोजक संस्थाका अनुसार नगरपालिकाका ११ वटै वडामा गठन गरिएका समावेशी आत्मनिर्भर समूहका सदस्यहरूलाई लक्षित गरी यस्ता अभिमुखीकरण कार्यक्रमहरू सञ्चालन गरिनेछ।
कार्यक्रममा २५ जना अपाङ्गता भएका व्यक्ति र तिनका अभिभावकहरूसहितको सक्रिय सहभागिता रहेको थियो। कार्यक्रमको सञ्चालन सामाजिक परिचालक नवीन कुमार ढकालले गर्नुभएको थियो।
समाचार लेखिदिनु भाको मन पर्यो तर अपुरो समाचार लेख्नु भाको छ । तपाईं ले परियोजना काे जानकारी, k कस्तो क्रियाकलाप हरु हुँदै छ, भन्ने विस्तृत जानकारी लेखिदिनु भाको भए खुसी लाग्थ्यो । परियोजना काे नाम दातृ निकाय इत्यादि यसमा छुटेको छ ।